Kveldstur til Bollen, Vinddøldalen (31.03.2018)

Etter tur på Ytre Sula tidligare på dag var planen min no å overnatte i bilen for ein kortare tur morgonen etter. Helst på veg til Trondheim der familyen var sett vekk til tidligare generasjonar.

Eg hadde fått tips frå Surnadal sin fremste høgdemeterekspress, TopGun, om at Kufjellet i Vinddøldalen kunne passe. Det høyrdest fint ut sidan eg har hatt lyst til å sjå Vinddøldalen lenge.

Men då vi kom ned frå Sula var klokka 5, mange timar med dagslys att før ei særs kald natt venta. Motivasjonen for overnatting i bilen dala, men turlysta var der likefullt. Eg tenkte at kanskje ein tur opp i Vinddøldalen kunne setje meg i stemning bagasjeromcampinglivets hygge.

I Vinddøldalen var det masse bilar, masse hytter, og ellers fine og rolige fjellformer. Ein plan byrja å ta form. Etter litt leiting på app'en fann eg den enklaste toppen i området, Bollen. Den var lett synlig frå parkeringa, og hadde scooterspor mot toppen. Den skulle eg rekke greit før mørket la seg.

Litt suboptimalt ruteval i byrjinga, men så gikk det strakaste veg i den fine hellinga opp skaren. Her fekk eg akkurat det eg var ute etter: flott utsikt over Trollheimen i sør og surnadalsfjella i nord. Og det i nydelig kveldslys! Det var andaktsstemning på toppen, dette var flott!

Så glei eg ned skaren, og då eg kom ned i skogen var det atpåtil eit lite lag med pudder, så dette vart finaste skikøyringa i heile dag!

Bagasjerommet drit og dra, eg hadde fått medisinen min! Og heime i kjøleskapet er det håndbryggeriøl. Eg hoppa i bilen, fyrte opp tre polarbrød og "Fire and Fury"-boka om Trump-administrasjonen. Han der Trumpf altså, at det går an, eg seier det berre...

© Kristian Starheim

© Kristian Starheim