Snøfattig førjulsvinter så det blei fottur i det fine veret. Store temperaturkontraster med +3 gr heime, mens det var -6 gr i Hunnedalen denne føremiddagen. Gjekk opp sørryggen av Tverråknuten og vidare nordover mot Øyarvatn for å sjå an forholda. Planen var å evt gå over Øyarvatnet til Sandvatnet og Austra Blåfjell, men sidan Øyarvatnet låg åpent gjekk eg til Hunnefjell i plassen. Godt å gå på skaresnøen, men litt vel hardt og isete i den bratte nordsida til Søre Hunnefjell så isøks kom godt med der. Kom til topps i god tid før sola gjekk ner.
Var forveten på isforholda på Sandvatnet så eg gjekk vidare til Nordre Hunnefjell og nordover forbi Mohedlaren og Sandvatnhytta og ut på Sørkilen og ein god runde over Sandvatnet. Hadde med stor øks og tok fleire målinger. Isen var 26-27 cm og hovedsaklig sorpeis, mens det bare var 11-12 cm og hovedsaklig stålis i Sørkilen. Fantastisk flott kveld med fullmåne og mild bris frå sør med bare -1 gr utanfor Sandvatnhytta på 915 moh. Reine fønvinden på ein måte. Gjekk via Grodalen tilbake til Hunnedalen. Hadde lagt i frå meg sykkel der så eg sykla drygt 5 km tilbake til Tverrånå.
Benutzerkommentare