Archiv - Nach Datum
Peakbookfreunde
Setenuten
- Datum:
- 20.07.2024
Me starta turen frå Eskjeflota ved gamlevegen over Røldalsfjellet. Kryssa over mot Grøndalen nord for Kvitenuten. Litt ufsete og kronglete å komma ned å kryssa over i øvste del av Grøndalen. Deretter nokså rett opp mot Setenuten. Me gjekk nokså "på tvers" av terrengformasjonane og folk som er kjende går nok ikkje denne ruta til topps, men det gjekk heilt greitt. Fin topp og flott utsikt. Tre av fire i turfylgje gjekk ned Grøndalen og like ned til bensinstasjonen ved E134 i Røldal. Sistemann same veg tilbake som me komfor å hente bil. Samla tid tur-retur Eskjeflota omlag 4 timar, litt lenger tid for dei som gjekk heilt ned til bygda.
Eggjenibba
- Datum:
- 11.07.2024
Denne turen bestemte eg meg for å gå for fleire år sidan, når eg oppdaga Eggjenibba frå bussvindauget på veg frå Sandane mot Loen. Endeleg blei det slik! Fin rundtur med start frå Øvrestølen på merka og godt synleg sti rett opp mot eggen. Bratt i starten, men greitt å gå. Vidare opp over eggen til toppen, og vidare sørover eggen og etterkvart meir kupert terreng. Fin utsikt mot Heggheimsstøylen og vidare mot Støylsvatnet før med runda og fortsette nordover igjen ned Øvredalen tilbake til startpunktet. Flott tur som me brukte om lag 4,5 time på, inkludert matpause på toppen.
Bjørnanuten
- Datum:
- 30.10.2022
Sein hausttur til Bjørnanuten. Me parkerte like etter brua over Holdøla. Opp langs elva på austsida til Me kom til elvedele, der gjekk med over brua og følgde sauesti opp til Holdøledalen. Innover dalen er det lettgått og fint inn til nokre små vatn på 1285 moh. Me møtte snøen på omlag 1200 m. Bratt og litt urettferdig opp kneika frå vatnet, men ganske greit å gå på snøen frå ca. 1400 moh. Diverre var det skodd og lite å sjå på toppen. Retur same vegen, men frå Holdøledalen og ned følgde Me god sti på austsida av elva.
