Archiv - Nach Datum

Archiv - Nach Aktivität

Gesammelte Listen

Lieblingsgipfel

Rennefjellet

Datum:
09.11.2024
Tourcharakter:
Bergtour
Entfernung:
6,1km

Stølsvidda og toppar omkring i Vestre Slidre, skulle utforskast i dag. Eg var spent på transport -etappene med bil i mellom. Var det gjennomgåande veg, eller måtte ein nedatt i dalføret ? Tok av like etter Ryfoss, og bomveg kr 140. Stoppa ved tur-skilt som viste Rennefjellet, og gikk fyrst til toppen som dei fleste går til. Den er 3 meter lægre enn høgaste punkt. På sti vidare, til smalare sti tok meg til turmålet. Vakkert landskap, og lett terreng å gå i. Flatt etter min målestokk. Tok ei anna rute tilbake, og difor noko utanom sti. Her oppe kan ein gå til og frå ulike stader. Mange stiar, skilta og merka. Fin tur.

Karte    

Klantenovi 12/24

Datum:
02.11.2024
Tourcharakter:
Wanderung
Entfernung:
4,0km

Dei fleste bilda eg tek frå Klantenovi, er mot Grindi. Spennande å sjå endringa i årstidene, då eg siste åra, har gått 10-12 gonger til dette turmålet i året. Det har etablert seg som ein vane.

Karte    

Rødåsen

Datum:
26.10.2024
Entfernung:
1,2km

Toppunkt på ås like ved der son min Joakim bur. Besøk i dag hjå familien. To tvilling-jenter på 2 år var litt snufsne i dag. Utsikta var grøne bartre og skodde. Idyllisk det også.

Karte    

Storehaugen

Datum:
18.10.2024
Tourcharakter:
Wanderung
Entfernung:
13,3km

Mørket kjem tidlegare no. Avspassere to timar, og då vart det topptur på fredag. I dag var også dagen med meldt finaste vèret denne helga. Køyrde til Kaupanger og opp flyplass-vegen til ca. 400 moh. Delvis merka og skilta rute, men ein må følgje litt med på appen til ein er i posisjon oppover fjellryggen. Når ein har komme litt opp og ut på ryggen, får ein ei nydeleg utsikt til fjorden, Kjørnes og Sogndal. Ut til toppen av Storehaugfjellet med mastene er det 6,4 km. No får ein også fin utsikt til Bleia og vidare ut Sognefjorden. På retur tok eg med ca. 70 nye høgdemeter opp til varden på grøn topp som blir kalla "Storehaugen". Her er varde, og svært god utsikt mot m.a. Sogndal. Her er Sjekk-ut på Ut-appen og postkasse. Så er det eit godt stykkje der ein er på >>>

Karte    

Fjellstulfjellet

Datum:
11.10.2024
Tourcharakter:
Fußtour
Entfernung:
6,0km

På veg til Nododden og Porsgrunn vart det køyrepause, og ein liten topptur. Merka sti oppover på fjellrygg. Vekslande sva og skogsbotn. Ei og anna myr, og nokre idylliske vatn. Godt å strekke på føtene, og fin utsikt frå toppen.

Karte    

Klantenovi 11/24

Datum:
06.10.2024
Tourcharakter:
Jogging
Entfernung:
4,0km

Noko lyst på 100 m pf. topp. Men ikkje på lang køyretur og dårleg vèr. Då vart det repetisjon av ein enkel topp i nærområdet. Klantenovi er ein av eit par åsar i Lærdal kommune. Fjellvegg, og fjellrygg er det mest av i det tronge dalføret. Difor er dette området fint for oss lokale, i periode mellom sommar-og vinter-sesong.

Karte    

Amlaholten

Datum:
29.09.2024
Tourcharakter:
Jogging
Entfernung:
5,1km

Snøgrensa har komme på besøk til om lag 1000 moh. Då lyt ein besøkte toppar i «låg-landet». Fin runde om Amleholten. Og sikt til vakre Drøfte-fjell under Bleia.

Karte    

Klantenovi 10/24

Datum:
28.09.2024
Tourcharakter:
Wanderung
Entfernung:
4,0km

Ein månadleg tur til Klantenovi høyrer til.

Karte    

Valdresflya-Bygdin med toppar

Datum:
22.09.2024
Tourcharakter:
Bergtour
Entfernung:
14,5km

Køyrde opp på Valdresflya, etter å ha overnatta litt før Båtskardet. Plan var å gå over toppar og avslutte turen ved Bygdin. Marita som sjåfør. Følgde varda rute over nesten flatt landskap med steppe, myr og stein til fjellfoten. Kurs-endring 90 grader, og eg gikk så rett opp ryggen mot Øystre Fagerdalshøe. Jamnt bratt, og litt brattare med skrentar like under toppen. Vidare var det å følgje frå topp til topp bortetter. Flott utsikt mot vatn og stortoppar under vegs. Like etter Heimre Fagerdalshøe small det i hagelskot, ikkje langt unna. Kom så to unge jægrar med skytevåpen beredt, like under meg. Etterpå ein noko vaksnare kar med fuglehund. Litt overraska over val av jakt-terreng. Dette er ein fjellrygg, og her går det ein del fot-turistar. Mange som går til Synshorn >>>

Karte    

Sendehornet i Vang

Datum:
21.09.2024
Entfernung:
12,6km

Ny tur frå Olefjorden. Følgde sti på sørsida av "fjorden" ein god km innover. Så rett opp mot Sendenøsene. Litt bratt eit par plassar. Fint lett terreng oppå fjellet her, og så ned i retning Sendehorna. Aldeles nydeleg utsikt mot "horna". Fyrst opp på Vesle Sendehorn. Mindre bratt enn kva det såg ut til. Ved toppen traff eg på eit par med hund som var frå Beito. Kjekke folk, Målfrid og mannen. Nede ved skaret mellom toppane, måtte ein litt nedover, for å entre ryggen på Store Sendehornet. Her var det stort sett ei rute. Nokre trakk viste veg. Bratt opp i starten, og lettare etter kvart. Ei fantastisk utsikt frå denne toppen. Etter litt prat med Beito-paret, som hang på oppover, fotograferte eg litt, før retur. Litt anna rute tilbake, og den var svært >>>

Karte