Archive - Date
Archive - Activity
-
Climbing (1)
- Alpine climbing (1)
- Other trip (2)
- Other winter trip (1)
- Ski trip (1)
-
Trip by foot (1)
- Hillwalk (1)
Peakbook-Friends
Skardstinden
- Date:
- 28.07.2024
Fin tur saman med Simon. Me gjekk frå Geitsætre ca klokka 10.30. Fin sti eit stykke oppover, så ur som var greit å gå i. Sidan Dumhøe berre var ein kort avstikkar tok me med oss denne toppen sjølv om han ikkje har meir enn primærfaktor 20. Etter Vestre Skardstind fulgte me eggen heile vegen til Skardstinden. Nokre stader var det ganske bratt og luftig (klyving grad 2-3). Dersom det hadde vore heilt tørt ville nok det meste føltes trygt å gå utan tau, men når det var litt fuktig og sleipt enkelte stader kjentes det trygt å klatre med tau dei vanskelegaste partia. Me vurderta å gå på Nåle også, men det var dårleg sikt og me fekk nokre lette snøbyger, så det frista ikkje så mykje. Returen frå under Nåle var bratt og laus. Me tok ein rappell heilt i starten.
Bakarste Skagsnebb
- Date:
- 01.05.2024
Nydeleg vintertur med Simon Øverland. Me gjekk frå Sognefjellshytta og opp til Veslefjelltinden. Deretter skrei me ned på Hurrbrean, gjekk over Hurrbrean og opp mot Skagsnebb. Me tok av skia eit stykke vest for toppen og gjekk med steggjern langs eggen bort til Skagsnebb. Så skrei me ned på breen igjen og gjekk opp mot Bakerste Skagsnebb. Her også måtte me av med skia eit stykke vest for toppen og fullføre med steggjern. Til slutt skrei me ned igjen på breen, fulgte denne over kanten og skrei ned til Sognefjellshytta. Nydeleg tur bortsett frå at det var skikkeleg sugeføre, så me hadde liten glede av skikøyringa.
