Starta ved parkeringsplass eit lite stykke fra Rørvik Fjellstove i retning Holsen. Fulgte merkinga heilt opp til Rimmane. Stien er godt synleg og godt merka, så det var ikkje vanskeleg å finne vegen. Deretter tok eg sikte på Blåfjellet og skaret mellom Rimmane og Blåfjellet. Her var det ikkje merking eller sti. På toppen av Blåfjellet er det to ruter ned til Hårklaustølen. Ein kan gå ned via Ytrebotnen, eller ein kan gå ned på "framsida". Begge rutene er merka med raude punkt, slik at det ikkje er så vanskeleg å finne fram. Eg tok ruta på framsida av fjellet,slik at eg såg rett på Haukedalsvatnet på veg nedatt. Her var det ingen tydeleg sti, men sidan det er god merka, så er det berre å følge desse. Då eg kom ned til Hårklau og Haukedalsvatnet gjekk eg langs vegen til eg kom bort til der gamlevegen starta. Fulgte denne opp igjen til bilen. Eit lite stykke før eg kom til bilen, så starta regnet. Klarte akkurat å komme meg tilbake til bilen før eg blei alt for våt.
User comments