Enkelte toppar er definitivt verdt eit besøk sjølv om dei ikkje ligg i kremtopplister eller diverse primærfaktorlister. Kattanakken er ein flott tur, enkelt å finne fram og god sti til topps. Vi parkerte på Melkevoll Bretun (50 kr avgift). Gjekk mot Briksdalsbreen og tok av på merka sti mot Kattanakken rett før andre brua. Resten seier seg sjølv. Etter å ha passert/gått forbi fleire hundre tungt parfymerkte turistar var det godt å få frisk luft. Heile Briksdalen låg innhylla i ein parfymedis. Hest og kjerre er skifta ut med nymotens grøne golfliknande kjøyretøy. Det er ikkje mykje igjen av Briksdalsbreen. Turistar blir no skyssa rundt på vatnet i gummibåtar. Eit par enkle klyveparti oppover før det flatar ut mot toppen. Har enno ikkje sett kart med høgdeanvisning på denne toppen. Men muleg 1458 kan være riktig. Primærfaktor er kanskje 50 meter? Flott utsikt mot mange kjende toppar i Stryn. Rett over dalen er oppgangen til Oldeskaret, merka frå Melkevoll. Ein kjempeflott tur over til Stardalen.
User comments
Godvær i sogn
Written by otto 12.07.2013 22:13Ser ut til å ha vært en fin tur. Ikke noe å si på disse bildene..