Magisk!
For ein tur rundt Blæjevatnet. Opp og ned på egg,rygg og kanter. Ein av dei finaste eg har gått. Perfekt reisefølge med Ørjan og turveret stod i stil.
Parkerte på Røfsdalssætra, oppover i skog til hytta Tåbrotet og vidare opp i dalen. Gjekk litt feil ved stidelet, men henta oss greit inn. Lisjeblæja (1032moh) er eit stilig fjell og klyvinga mot toppen var artig og heilt trygg. Motbakkane kjentes i og svei leggane då vi kom opp til varden. Høgste toppen var litt lenger inn på ryggen. Deretter var det berre å nyte ein kjempeflott egg opp-ned og bortover til oppstiginga til Blæja (1143 moh). Kjempeflott rundskue derifrå.
Den blåmerka retninga synte vegen vidare og bratt ned til Blæjeskaret (ca 900 moh) der ein fekk oversikta over herligheita med skue mot vatnet og tindane rundt.
Det kjentes for lengst på kroppen, slikt åsnestell, og syra oss i ein ny motbakke opp retning Tinden. Her løyste vi inn dag 2 billetten på Tusenfryd og tok dei 500 meterane og vel 100 høgdemeterane ekstra bort til Blæjeskartinden/Myrkvasstind. Tilbake over Tinden (1061moh) og bratt ned at til rygg før Skorretehornet (935 moh) Ny rygg oppover til Sandfjellhornet/Tuva (1002moh). For min del var lår og leggar for lengst mørna og fekk siste rest av bank ned ein uendeleg (føltes slik) bratt grasbakke til Blæjevatnet og Olavskjelda før siste del nedatt til bilen. Vel 12,2 km, 1443 høgdemeter opp og 750 meter nedover.
Som sagt ein magisk tur.
User comments