Haustferie og endeleg ein dag med opplett og nokon lunde fint vær. Ryssdalshorn har vore på ønskjelista lenge. Det fjellet har eg sett på kvar gong eg køyrer forbi Sandane og tenkt at dit skal eg ein gong. I dag passa det med både tida og været, så då var det å peise på til Sandane.
Eg har høyrt at vegen opp til Ryssdalsstølen skulle være bratt, og ja, det var bratt... i alle fall ein del av ruta opp.
Etter Ryssdalsstølen var det godt merka oppover. Det er sett opp ei metalltrapp på klyvepartiet, så sjølv om det føltes litt luftig, så gjek det greitt opp.
Etter trappene gjekk det fint opp mot toppen. Rett før toppen tok eg stien til venstre, sjølv om den til høgre er merkt. Eg vil tru den faktisk er litt lettare å gå opp enn å følge merkinga.
Flott utsikt, sjølv om Gloppefjorden var til dels dekka av tåke.
Frå Ryssdalshornet N var det ned klyveparti før det gjekk lett bortover egga mot høgste punktet på Ryssdalshornet.
Flott dag på eit flott fjell.
Kommentarer