Fin tur til Raudmelen. Eg har høyrt ein del om denne toppen. Og etter det eg kan sjå skulle det være god sti oppover, slik at eg var sikra dersom eg ikkje kom meg over tåka.
Men ved Klukkshaug stoppa tåka og eg fekk ein fantastisk flott tur både opp og ned.
Godt merka og godt tilrettelagt sti med sherpatrapper nokre stader og klopper nokre stader, slik at eg kunne nesten gå tørrskodd både opp og ned.
Traff på eit par frå Frankrike. Dei hadde eigentleg tenkt seg til Lofoten, men bestemte seg heller for å være i Sør-Norge ettersom værmeldingane nordafor ikkje akkurat er strålande.
Tok ein tur bort på Spenane også. Partiet mellom midtre og nordre Spenane var litt smalt, men ikkje verre enn at eg klarte å passere utan større problem. På veg tilbake tok eg ein liten dukkert i tjernet mellom midtre og søre Spenane. Forfriskande og hærleg med dei temperaturane som er trass i at vi er i siste del av September.
Hadde ein liten stopp ved Baly, som er ei dagsturhytte designa av Bergen arkitektskole. Flott å sitte der i sola i ly for ein eventuell trekk.
Lett å småjogge nedatt til bilen.
Verkeleg ein finfin dag.
Benutzerkommentare