Fyrste etappe 6,5 km på offroad-sykkel. Frå 660 til 1250 moh. Måtte gå av sykkelen og trille korte bratte parti, men stort sett på hjul opp. Inn skaret der det flata ut, var det nokre globar til overnatting. Parkerte sykkelen etter 1:15. God utsikt derifrå. Gå-etappa var 9 km samla. Fint inn dalen attmed elva. Mange småflokkar med tamrein som beita. Dei trakk forsiktig opp og til sides når eg nærma meg. Svak og jamn stigning inn, men litt brattare og ur til sist. Toppa Skyrifjell 38 min etter fyrste gå-etappe. Fin utsikt mot dei store fjella over Vang. No vel 50 min til Kyrklanten. Noko ur innimellom, men fint å gå. Flott utsikt ned i Sanddalen. Gikk vidare ned ryggen av toppen, og sikta meg inn på eit skar, for å sleppe for mykje grusveg til der sykkelen venta. Sykkelen trilla lett ned bakkane. Måtte vere konsentrert. Var forsiktig tre gonger, då eg møtte på sau. Viktig å gå av sykkel og god-prate litt med dei. Ca 20 min. nedatt til bilen. Fin runde, og greitt med sykkel, sjølv om det er ei tøff økt opp.
Kommentarer