Nepane, Flokatveitnuten m.fl. frå Løkjelsvatnhytta (25.05.2024)

Written by Kaare_70

Map

Ascents	Austmannanuten (906m)	25.05.2024
Ascents	Flokatveitnuten (901m)	25.05.2024
Visits of other PBEs	Hårlandsnepane (650m)	25.05.2024
Visits of other PBEs	Løkjelsvatnhytta (630m)	25.05.2024

Me fekk eit flott helgeopphold på hytta etter å ha kome opp i tett skodde fredag kveld. På lørdagen vakna me til eineståande sommarver og var ute ved Nepane to ganger før eg tok ein ettermiddagstur til Flokatveitnuten og Austmannanuten aleine. Kjekt gjensyn med sistnevnte etter januarturen vår i 2017!

Nepane sett frå nord med Skarstøl i bakgrunnen

Frå same staden mot Hårlandsvatnet, Hårland og Litledalen

På T-stien med tilbakeblikk mot Løkjelsvatnet med Bordfjellet og Vio

Straks på Flokatveitnuten med utsikt mot Djupavatnet og bl.a. Nordfjellet

På Flokatveitnuten med utsikt mot Stordalen med Hålandshovda og Skredkollen

Ved utsiktsvarden litt lenger vest med panorama over Stordalsvatnet, dessutan ser me ned på Kvammen og Håheim

Frå same staden mot Solheimsgrønnuten med Åsbø nedanfor

Retur frå Flokatveitnuten med utsikt mot Austmannanuten til venstre. Lenger bak sjåast Bordfjellet, Hustveitsåta og høgreiste Bordheia til venstre, og Napen lengst bak til venstre for midten

Frå om lag same staden mot Løkjelsvatnet

Denne gangen var det utruleg fint ver og lettgått terreng å rusla i, høveleg lite snø og ditto vegetasjon. Nokre ryper, ein del heiloar, heipiplerker og ringtrostar holdt meg ved lag. Det vart om lag 9 km, 450 hm og 2 timar 40 min på tur og tilbake til ventande utemiddag i hytteveggen. Retur i finver etter frukost og utvask søndag føremiddag.

User comments

Comment title:

Characters left: 1000

Comment text:

You need to be logged in to write comments.