Lomseggje 2000'metere på ski (08.03.2024)
Geschrieben von ArilT (Aril Torheim)
| Startpunkt | Lundadalen (513m) |
|---|---|
| Endpunkt | Lundadalen (513m) |
| Tourcharakter | Tourenskilauf |
| Tourlänge | 10h 37min |
| Entfernung | 39,2km |
| Höhenmeter | 2.392m |
| GPS |
|
| Besteigungen | Hesthøe (2.021m) | 08.03.2024 08:00 |
|---|---|---|
| Moldulhøe (2.044m) | 08.03.2024 08:00 | |
| Storivilen (2.068m) | 08.03.2024 08:00 |
Lomseggje 2000'metere på ski
Langtur i Brehiemen til Storivilen, Moldulhøe og Hesthøe.
Yr meldte om godt vêr aust om fjellet. Eg tok meg derfor ein avspaseringsdag og drog heim til Hornindal for å være klar til ein dagstur til ytterkanten av Breheimen.
Planen var å plukke nokon av 2000 meterane på Lomseggje. På grunn av turens mange flate partier, lengde og antall høgdemeter valgte eg å gå turen med fjellski.
Austlandet ønskte meg velkommen med ein fantastisk soloppgang på veg ut av Oppljostunnelen. Slike augneblink gjer strevet med å stå grytidlig opp om morgonen verdt det.
I Lundadalen blei eg møtt av ein nedfrossen parkeringsplass. Hadde nok vert ein fordel med piggdekk her, men det gikk også greit med piggfrie dekk.
Eg hadde gått i ca. 15 minutt då eg kom på at solbrilla var gløymt att i bilen. Eg kunne ikkje risikere å bli snøblind oppe på fjellet åleine, så det var ikkje eit vanskeleg val om å legge i frå seg sekken og snu tilbake for å hente dei. Tapte sikkert 25 minutt dagslys på dette.
Vel oppe med sekken igjen bar det vidare opp skogsvegen frå Lundadalen. Eg gjekk på kortfellar, men det hadde nok vert ein stor fordel å gått på langfellar denne turen.
Etterkvart smalna skogsvegen av og bratna til. Her måtte eg over i fiskebeinstil for å komme meg opp.
Rundt 1000 moh. flata terrenget ut og åpna seg opp. Sola kika no fram over fjella, og det var eit flott skue tilbake mot Skjåk og Reinheimen.
Vidare fulgte eg skispor opp juvet mot Lendholet, men tok litt for tidlig av mot Storivielen. Dette førte til at eg kom inn i litt bratt og steinete terreng enn eg sannsynligvis ville endt opp i dersom eg hadde fulgt juvet lenger opp.
Det var eit imponerande skue som møtte meg i det eg bikka kanten og fekk auge på Jotunheimen. Svære fjell med Galdhøpiggen midt i mot. Bilder klarer ikkje å gjennskape eit slikt mektig skue.
Herifrå var det berre å følge den knallharde snøven langs ryggen bort til toppen av Storivilen. Frå Storivielen kunne eg sjå frammover Ottadalen med Rondane stikkande opp frå skyene i bakgrunnen.
Det var ikkje lenge eg kunne stå i ro før kulden begynte å bite. Eg tok på meg eit par tjukkare hanskar og eit lag med fleece før eg fortsatte mot Moldulhøe. Turen gjekk lett langs ryggen, men når oppstigninga mot toppen starta måtte eg av med skia på eit par parti. Snøven var knallhard, og kortfellane ga for dårleg grep. Etter litt basking sto eg omsider på toppen.
Det var no 4,5 timar til solnedgang, og eg måtte vurdere om eg skulle snu eller fortsette mot Hesthøe. Det var ca. 5 km i luftlinje til Hesthøe, og det ville være veldig kjedelig å ha denne toppen ståande igjen ubesøkt. Samtidig ville det også være minst 5 km lenger tilbake til bilen når eg nådde bort dit.
Eg hadde med meg hovudlykt og vurderte det dit hen at så lenge eg klare å komme meg tilbake til skispora mine ved Lendaholet før sola gjekk ned så skulle det være grei skuring å finne tilbake til Lundadalen derifrå.
Frå Moldulhøe bar det ned ca. 200 høgdemeter før jevn stigning mot Hestehøe starta. 1 time og 30 minutt seinere sto eg på toppen. Her hadde nokon vert oppom med snøscooter. Luksus.
Nytte utsikta mot Sognefjellet og Hurrungane eit par minutt før eg starta på tilbaketuren.
På veg tilbake passerte eg på sørsida av Moldulhøe for å spare høgdemeter, og fortsatte mot Lendefjellet. Frå Lendefjellet fulgte ei artig nedkøyring i ytterkanten av Lendebreen. Mykje beire snøv her enn oppe på ryggen. Nådde tilbake til mine eigne skispor og kunne følge dei inn i solnedgangen.
Det vart litt knall og fall på vei ned den bratte delen av skogsvegen. Med knallhard og ujevn snøv var det ikkje lett å stå ned her på fjellski. Både eg og skia kom heldigvis ned i god behold. I skumringa nådde eg tilbake til bilen i Lundadalen etter over 10 timar og nesten 40 km på tur.
God følelse å sette kursen tilbake mot vestlandet med desse 3 toppane kryssa av på listene.
| Startzeitpunkt | 08.03.2024 07:55 (UTC+01:00) |
| Endzeitpunkt | 08.03.2024 18:32 (UTC+01:00) |
| Gesamtzeit | 10h 37min |
| Zeit in Bewegung | 9h 01min |
| Pausenzeit | 1h 35min |
| Gesamtschnitt | 3,7km/h |
| Bewegungsschnitt | 4,3km/h |
| Entfernung | 39,2km |
| Höhenmeter | 2.392m |
Kommentarer