Ettermiddagstur i nabokommunen. Ein time og 15 min å køyre til Sanddalen. Fin dal, bratte og ville fjell omkring. Turen tok til frå inngjerda parkeringsplass. God sti, merkte stolpar og vardar viste veg. Svært bratt opp flanken her. Nokre hyller med laus vegetasjon, som krevde varsemd. Elles greitt å gå. Over ei ur nokre hundre meter oppi, før det vart vegetert att. So møter ein ura omsider, men den var grei. Heldt litt under det brattaste. Plutseleg viste det seg at eg sikta meg på feil topp, og måtte korrigere litt. Ja-ja, 3 min ekstra trim. Svært fint å gå då det flata ut. Kjapt bort til toppen når ein fyrst var komme oppå fjellet. Valde å ikkje gå bort på utsiktspunktet. Skal opp ei annan gong med bedre tid til fotografering. Nydeleg utsikt fekk eg no likevel. Om eg ikkje såg ned til Vang, så såg eg vakre rekka med Jotunheimen sine toppar. Fin turdag og god trim.
Kommentarer