Denne turen har eg sett på lenge ettersom eg har vore ein del i området utan å ta turen. Parkerte bilen rett ved eit busstopp og rett ved sto skiltet om vardetur. Fulgte ruta som står på ut.no. Denne gjekk blandt anna opp ein sti, som var litt bratt, men overkommelig. Fulgte vidare merka rute mot Flogefjellet og Flolifjellet. Denne gjekk oppover lia. Greitt å gå, men litt smal sti enkelte stader. Hadde det ikkje vore skog nedafor, så hadde det nok kjentes litt luftig.
Kom opp på høgda og hadde fin utsikt blandt anna mot Eivindvik. Der var det ein varde og eit skilt om Flolifjellet og litt om historia til Gulatinget. Hadde ein liten matrast før eg gjekk vidare mot Flolifjellet, der var ingen varde. Fulgte ruta litt nedover mot lia før den gjekk opp til Svabergfjellet. På Svabergfjellet var det sett opp skilt for å vise retning, men det skiltet har nok snudd seg noko. Gjekk vidare til Heia og så til Ormekletten og fulgte ryggen ned til siste varden.
Frå varden gjekk eg litt tilbake og ned lia langs stien. Fulgte traktorvegen ned det siste stykket til Undertun. Flott tur med mykje utsikt.
User comments