Ternefjell og Reinaknuten frå Liarvatnet (01.08.2023)
Geschrieben von Kaare_70
| Karte |
|
|---|
| Besteigungen | Vestre Reinaknuten (787m) | 01.08.2023 |
|---|---|---|
| Ternefjellet (772m) | 01.08.2023 |
5 timars perletur med Solveig denne flotte sommardagen. Turen til desse to toppane går vanlegvis frå Bjørheimsheia, men desto meir fredeleg frå Liarvatnet via Terneskardet. Slik det har blitt etter Ryfast, kan ein ikkje rekna med å vera aleine på Reinaknuten ein slik finversdag.
Me brukte 1 ¼ time til Ternefjell på god sti, og tok oss ein god strekk med inntak av velfortent mat og drikke mens me beundra utsikten. Sidan me ville få med oss Reinaknutgjuvet, gjekk me stilaust ned til Reinaknuttjødnane utan å gå oppom Terneheia. I gjuvet mellom Vestre og Austre knuten var det som alltid framifrå utsikt og magesug.
På Vestre knuten 2 ¾ timar etter turstart var me som venta ikkje aleine, men me fann oss ei fredeleg hylle litt nedanfor varden. Ikkje rart folk vil hit opp, for utsikten er verkeleg førsteklasses. Etter ein ny pause her følgte me stien ned frå toppen og vidare ned i Longabergdalen via skardet med grov blokkurd. Her tok me oss tid til eit avkjølande bad i Longabergvatnet før me returnerte til bilen via Terneskardet.
Benutzerkommentare