Lang søndag med fint vér, og det freista meir med tur enn å ligge flat heime å restiturere etter i går. Kortreist tur. Fekk Marita til å køyre meg til Fodens ferjekai. Dette er ei rute som eg kjenner godt. Fint på merka sti opp frå Fodnes, via Olavskjelda, og den nydelege utsikta frå Stegen, 560 moh. Så ber det vidare i furuskog opp til krysset, 710 moh. Her er valet, Fagerset, eller Vetanosi "rett opp". Det er ein grunn til at det står slik. Det er bratt herifå og opp til ca. 1000 moh. På ein dag med 25 grader i skuggen, merkast det. Nydeleg utsikt er betalinga når ein kjem opp på fjellet. Gikk opp på toppunktet, som er relativt flatt med sjekkut-skilt ved ein stein. Toppen er ca. 50 meter forbi. Så sikta eg ned mot store varden. Kom innatt på stien litt før. Frå varden følgde eg sti i retning hytta på Trånanakken. Her er det merka litt ned i sia, med den hensikt å få flott utsikt mot fjorden og Erdal. Eg følgde sti rett fram i retninga mot Stødnaåsen i staden for, og fann att den merka stien etter kvart. Raude merke viser veg, og nokre vardar der det er utydeleg terreng. Ned i skogen, lett og fint å går. Obs på pil litt til venstre, og mot Lomtjørn. Så er ein straks inn på den andre stien over fjellet. Det er den som held fram mot stølen Fagerset frå stikrysset Vetanosi. Den går vidare til Storeskar, og føl gamle murar etter telefonstolpar over fjellet mot Stødnaåsen. Min tur som omtala over, held fram frå Lomtjørn, ned til selet ved Stødanåsen, og vidare ned i retning mot Stødno som er endepunktet. Eg tok alternativet frå ca. 400 meter, Hedlerstegen, som også er skilta. Den er bratt, så ver forsiktig. Eit kort parti etter sjekkut-post Hedlerstegen, er det eit luftig parti på smalt hyllegaleri. Her er kjetting til å halde seg i. Så er det framleis bratt nedover i retning mot Mjølkeflat-hytta. Så vidare ned til Hedlerbrui. Fin-fin tur over fjellet i dag.
User comments