Køyrde over Tindevegen i ausande regnver og skodda fredag. Har aldri sett så lite fjell på ein fjellovergang. Men det var meldt strålande laurdag. Parkerte etter å ha teke av mot Leirdalen. Starta kl. 9:30 laurdag. Vi var spendt på kryssing av elva. Det var fleire løp, og vi brukte litt tid. Passerte elva ca, 1260 moh. Partiet opp langs elva her var mykje uryddig grov og til del laus ur. Det strevsame partiet på turen. Då vi såg brea, skrådde vi opp, og kom så til ei morene, som gikk over i eit parti meir som ei egg. Så eit flatt parti med irrgrøn mose, før ei lang-lang men lite bratt ur. Denne følgde vi på høgre sida av ei snøbru opp til bandet mellom høene. Gikk opp på Fremre Storgrovhøe fyrst. Og for ei utsikt til Galdhø-piggane og den flotte Storjuvbrean. Naut utsikta ei tid før vi gikk over mot Bakarste Storgrovhøe. Nydeleg utsikt mot breen, Storjuvtinden, Ymmelstinden, og ikkje minst rekka mot og så sjølvaste Skardstinden. Her brukte vi ein halvtime til berre å kosa oss med landkapet. Tok ein titt på nedgangen mot Storgrovtinden, som såg grei ut ned eitt nivå. Bruk av sikring vil nok vere klokt vidare. Det gikk fint nedatt i det som likevel følest som ei uendeleg ur. Fin dag, slitsamt, men ei stor naturoppleving.
User comments