Vekslande sommer ifrå solgløtt til regn og sludd på topper over 1000 moh i denne perioden!! Slutten av juli & begynnelsen av august. Likevel kan ein nyte kontrastane til fulle i natur opplevelser. Dette kan eg kalle nærtur! Ca ein time å køyre ifrå Sanddal til Kandal i Gloppen. Eit vanvittig fint og vilt naturområde. Veret denne dagen var lova litt betre med sol og nesten heilt opplett. Det stemte ikkje heilt ifølge yr. For det var regn, skodde, nokre minutt med sol og sluddbyger undervegs på turen denne dagen. Noko som gjorde eit av rutevalget til fundering og lite informasjon var der å hente. Det var berre å kike på kartet og studere det bratte terrenget. Korleis finn vi den ruta vi har mest lyst på og den mest tenlige ut ifrå vårt mål. Vi satt ei lita stund å tygga på brødskiva og studerte rasryggen og svaberget opp under midtre Sørsdalsegga 1246 og Sørsdalsegga 1348 Det var den kortaste rundruta til dei fire fjelltoppane som var tenkt. Vått og sleipt, det tok litt tid for å kvalitetssikre valga oppover! Ikkje å anbefale på vått underlag! Mykje lausgrus på svaberga oppover! Men, definitivt ei fin rute. Det vekslande veret gjorde likevel til at kontrastane i mektig natur, bilder og opplevelse var formidabel. Ville vesten følelsen var ein tanke og følelse eg hadde for dette området.
User comments