Galdhøpiggen har stått på ønskjelista mi lenge. Heilt frå 2009, men kvart år vi har tenkt å ta turen, og kvart år har den av ulike grunnar vorte avlyst. Dette året skulle eg få det til! så værmeldingane vart sjekka ofte og vel. Men været har ikkje akkkurat vore på mi side i år. I fjerde ferieveka fann eg ut at det låg an til fint vær på Galdhøpiggen. Ettersom mannen min starta på jobb etter ferien den veka, foreslo han at vi kunne ta det laurdagen.
Vi overnatta i bilen ved Spiterstulen denne natta, men natta var ikkje den beste eg hadde hatt. Sovna litt vel seint og det vart få timar med søvn. Men opp skulle eg sjølv om det kunne ta noko lengre tid. Ettersom eg var såå nære.
Starta roleg oppover og tok mange pausar før vi endeleg kom til toppen. Turen skuffa ikkje, sjølv om det var svært tungt oppover både for meg og mannen min. Då vi kom på toppen var det tett i tett med folk, mest truleg på grunn av taulaga frå Juvass som kom opp samtidig. Men etter å ha venta ei lita stund, forsvann dei som kom frå Juvass og det vart lettare for oss andre å ta bilde :)
Tida opp er totalt brukt tid og ikkje rein gangtid.
User comments