Det var meldt noko gråare vær framover og då er det om å gjere å nyte den siste ordentlige solskinnsdagen før gråværet kjem. Ei stund sidan eg har vore på dette Blåfjellet, så eg tenkte det var på tide. Turen er jo ein skikkelig gromtur med tanke på at det er berre å gå lenge og langt når ein først er komen opp på Steinkorsen. Og sola var med heile vegen. Hadde ein god pause på Blåfjellet der eg berre satt og naut sola. Traff på ein som såg ut til å planlegge overnatting på fjellet denne kvelden og lurte på korleis det gjekk med han sidan været skifta rett etter at eg hadde kome meg i hus.
User comments