Tok bussen ut til Stein Gård. Fulgte godt merka løype til Nordre Kolsåstoppen. I starten på veg, der traff eg på ein litt over gjennomsnittet stor familie som sleit oppover den speilblanke vegen. Dei gjekk opp langs grøfta. Noko eg også skulle. Og det var så og seie umogleg å gå forbi. Der... starta far i familien og skulle ta bilde av heile flokken. Vel tenkte kanskje det var lov å sleppe folk forbi før ein skulle ta ein fotoshoot.... Kom meg vidare til Nordre Kolsåstoppen etter kvart. Ikkje så frykteleg mykje panoramautsikt, men heilt OK.
Fann ut at eg skulle ta ein tur ut til Gråmagan. Der traff eg på ein ung mann som likte best denne delen av toppen. Flott utsikt, men ikkje fullt så mykje folk. Vidare til Søndre Kolsåstoppen fann eg ut at han hadde rett. Det var ikkje akkurat fritt for folk der. Både av store og små. Men flott utsikt både frå Gråmagan og Søndre Kolsåstoppen.
Kunne sjå ned der eg og søsteren budde ein periode før eg flytta til Drammen for ca 25 år sidan.
Fulgte den bratte stien ned til Kolsås stasjon før retur til Oslo.
User comments