Yr klinka til med tidenes værmelding for ein Skjærtorsdag, men traff ikkje akkurat i Grotli-området. Etter å ha køyrt gjennom Volda, Honndalen og Stryn i strålande sol traff eit tungt skydekke oss straks vi kom gjennom Oppljostunellen. Whiteout-forhold frå start og når vi gjekk opp i skydekket på 14-1500meter var det knapt nokre meters sikt. Det kom seg når vi nærma oss austtoppen og over 1900 fekk vi faktisk nokre gløtt både hit og dit til alsken fløtetoppar som stakk over skydekket både på Sunnmøre, i Nordfjord, Tafjordfjella, Romsdalen og ikkje minst Hurrungane. Utover dagen betra været seg stadig og einaste skår i gleda var at Sandåtinden utgjekk med høge kneløft grunna ein merkelig skavl som såg ut som den hadde blitt vindpåverka i alskens retninga og sperra den ruta som var innafor med tanke på brattleik etter dagens føreforhold.
User comments