Ein svært fin rundtur over 3 toppar det er naturleg å ta i ein jafs. Parkerte ved stistart Torsnesstølen. Bra plass her til 10-12 bilar. Veistubben vidare innover er stengd med bom. Stien innover er veldig god og lett å gå. Dagen i dag var 60-årsdagen for reisinga av minnesteinen til Hugleik Tungøen i 1961. Kom i prat med lokalfolk som holdt på med vedlikehald på hytta. Ein bergenser bygde den i 1932, no hadde grunneigarar i Sværen tatt over. Kryssa elva rett ved hytta og gjekk stien oppunder fjellet. Ganske bra å gå til ein kjem opp i botnen på delvis sti/dyretrakk. Vidare i steinete terreng til topps. Turen vidare seier seg sjølv, ingen vanskar heller. Ryggen vestover frå Såfossenipa endar i ein bratt bakke der det er eit godt dyretrakk. Over og ned fra 907-toppen var det kronglete, buskas og bregner. Fann ikkje noko god rute her, men det er kort og forsåvidt ikke vanskeleg. Flott rundtur!
User comments