Somrungsnebber og Storsalen (23.07.2021)
Written by aarvag (Steinar Aarvåg)
| Duration | 11h 23min |
|---|---|
| Distance | 26.2km |
| Vertical meters | 3,081m |
| GPS |
|
| Ascents | Litlsomrungnebba (1,700m) | 23.07.2021 |
|---|---|---|
| Litlsomrungnebba sørvest (1,657m) | 23.07.2021 | |
| Navardalsnebba Ø (1,098m) | 23.07.2021 | |
| Storsalen vesttoppen (1,715m) | 23.07.2021 | |
| Storsalen austtoppen (1,715m) | 23.07.2021 | |
| Storsomrungnebba (1,799m) | 23.07.2021 |
Ein lang og minneverdig dag i Sunndalsfjella. Inspirert av ruteføringa frå fleire turrapportar var Somrungsnebber og Storsalen dagens mål. Etter å ha starta dagen i skodda opp lia frå Fale, så openbara verda seg straks etter vi hadde teke av stien i retning dagens første topp.
Frå Litjsomrungsnebba Sør gjekk vi eit stykke tilbake før vi runda ned i vestsida. Her gjekk minutta fort og metrane sakte - traversering i laus og bratt ur er ikkje det som bidreg til best framdrift, men vi hadde heile dagen på oss, så det fekk stå sin prøve.
Vidare over Litjsomrungsnebba, Storsomrungsnebba og Storsalen var terrenget betydeleg meir lettgått, utan at turen vart mindre spektakulær av den grunn. Ein sjeldan fin dag i høgfjellet - vindstille og perfekt temperatur frista til gode pausar. Vi tok oss tid til ein avstikkar på Storsomrungsnebba og eit måltid varmmat på Storsalen. Utsikta vestover langs Innerdalen er utvilsamt verdt turen åleine!
Frå Storsalen gjekk turen via den langt mindre spektakulære Navarnebba Aust. Ei stor steinur som nokon har plassert midt i dalen - velegna som listefyll, men ikkje så mykje meir. Deretter på vestsida av Tverrådalsvatnet før det vart eit bad i sørenden. Medan ettermiddag før lengst hadde vorte til kveld traska vi langs DNT-stien ned Falelia på slitne bein medan vi fekk tømt sekken for siste rest av seigmenn. Definitivt ein av Trollheimens flottaste!
User comments