Stedjeåsen-Hella, Dag 1 (16.07.2021)

Written by Hommpbollen (Tor)

Start point	Sogndal sentrum (56m)
Endpoint	Sumhaug (764m)
Characteristic	Hillwalk
Duration	6h 58min
Distance	18.5km
Vertical meters	1,327m
GPS

Visits of other PBEs	Stedjestova (302m)	16.07.2021 14:04

Oppfølginga av suksessen frå i fjor (les: Fodnes-Tangen) var planlagt med tre overnattingar frå Sogndal sentrum til Hella fergekai (også i Sogndal kommune). Første dagen skulle Stedjeåsen og Hagafjellet forserast, via Øvstedalen og med overnatting ved Fjærlandssete. Andre dagen skulle vi gå opp Synnevaskjer (1544 moh), og vidare over Myrdalsbreen/Voggebreen og ned Skarholten til Grindsdalen. Deretter, på dag tre, skulle vi finne ei rute forbi Stav og (opp på) Hest, før vi svingte sør-vest ned Storholten og ned til Hella.

Nokså greitt, tenkte vi. Ruta var sjølvsagt krevjande og hadde sine udefinerbare utfordringar, men slik var det med førre tur og. Einaste var kanskje breen, som kunne verte "interessant". Likevel var det ingen sure miner. Vi var rett og slett proppfulle av sjølvtillit.

Opp Stedjeåsen med sekk gjekk fint og vi fant ein fin sti ca. frå toppen i retning Skardet (mellom åsen og Slakkafjellet).

Eirik klaga kun litt over varmen når vi kom ned på traktorvegen, som vi følgde fram til Sogndal transformatorstasjon på Hagafjellet. Solsteiken var seinare eit sakn for begge.

Etter vi runda toppen på trafoen følgde vi vegen nedover mot Øvstedalen før vi skar rett inn i terrenget mot Haugsstølen og kom ned att på vegen lenger nede. Deretter gjekk vi opp mot stølen Siplingane, følgde stort sett sti herfrå, og kunne endeleg kunne fylle opp flaskene i ein bekk frå Svartavatnet.