Krunefjell, Øvre Daurmålsknuten og Fonna/Liarhus frå Tysdal (30.04.2021)
Written by Kaare_70
Ascents | Øvre Daurmålsknuten (600m) | 30.04.2021 |
---|---|---|
Fonna (599m) | 30.04.2021 | |
Krunefjell (723m) | 30.04.2021 |
Flott ettermiddagstur til Tysdalsheia bratt opp traktorvegen frå Tysdal. Tragisk at folk får lov til å bygga slike vegar i urørt natur for å få seg hytte til fjells!
Vidare greit opp på Krunefjell småbratt frå nord, brukte kun 70 min. på om lag 700 hm til varden. Kjekt for fjerde gang og andre gang på sommarføre, 30 år sidan sist! Vidare tok eg ein fin runde inn mot Grautabotn som var nytt terreng for meg, og så ein sving oppom Øvre Daurmålsknuten som óg var ny.
På returen var eg oppom Fonna/Liarhus før det gjekk bratt ned vegen att. Flott vårdag, men markert verskille bare like innanfor i Krøys. Men eg hadde flaks med sol nesten heile turen. Snøfenner i nordhellingane etter snøvinteren og siste snøfall for tre veker sidan. Ennå lite fugleliv å sjå i høgda, men ein ringtrost og ein steinskvett liva opp. Litt over 3 timar på tur.
At navnet Grautabotn må koma av det gamle ordet grjot for stein, og ikkje av at det var så godt beite der inne, gir seg mest sjølv. For det første er det helst myrete i botnen, og så heiter bekken/elva som renn ned til Tysdal nettopp Grautåna. Og at den markerte og steinsette bekken har gitt botnen navn, er då meir enn sannsynleg. Det same gjeld f.eks. for navnet Grautheller på STF si hytte i Lyseheiane.
User comments