Mange ganger har det vore tradisjon for meg å tenne eit bål på toppen av eit fjell på Nyttårsafta. Tidlegare har det vore Eikåsnipa 826 som mitt nærfjell. Sidan eg no bur i Sanddalen var Klauva eit fint nytt mål i området. Eit av dei få fjella ein kan sjå både ifrå Vassenden & Skei på kvar ende av Jølstravatnet. Men dette er også eit fjell som krevde eit liv for ikkje så lenge sidan i rasulykkene i Jølster. Etter samtale med pårørande til den som omkom ved dette fjellet, var det positive tanker om å tenne vardebål på toppen av fjellet! Første tur vart på føremiddag med første lasset! Fin nyttårsmiddag med ungdommen, før neste runde til topps med telt og meir ved til vardebålet! Brit Siv hadde vore på tur i Naustdal og hatt sin nyttårsmiddag med fam og venner. Ho rakk til toppen med fin margin! :) Med ein såvidt minkande fullmåne, ein nydelig stjernehimmel vart denne kvelden og nyttårsafta ein utruleg fin kveld i eit godt lag. Ein naturopplevelse og ei tid ein set høgt! Takk for opplevelsen ilag inge & Brit Siv. Godt Nyttår 2021
User comments