Fint vêr på starten av dagen, men meldt ein del vind. Vi tok sjansen på at vinden ikkje vart for sterk i høgda, og drog i veg for å gå på Sålekinna. Vi parkerte på parkeringa ved Øversjøen. Derifrå gjekk vi i vegen på veldig godt råk oppover til Sålekinntoppen. Godt vêr til å byrje med, men sur vind frå om lag 1400moh. Rim på steinane oppover mot toppen, så det var svært glatt.
På Midtre Sålekinna tok vi ein lang pause i ly av ein steinhylle, før vi gjekk til Nørdre Sålekinna. På veg ned roa vinden seg ein del, og det vart godt og varmt.
På veg ned frå Nordre Sålekinna, med Elgspiggen bak
Vel nede frå Sålekinna var dagen framleis ung, så vi tok ein tur til. Så vi køyrde til Håkåtjønna, og gjekk på godt råk ned til vatnet. Derifrå var det kolossalt tungt terreng opp til Tynsethøgda. Først myr, så mose.
Greitt over til Engådalshøgda frå Tynsethøgda, men mykje tungt terreng ned at frå Engådalshøgda. Vi sikta oss inn på vegen nord for bilen. Veldig flotte farger i fjellet nå.
User comments