Tur til ein litt avsides topp, men som er lett tilgjengelig på dagstur om ein har med sykkel. Sykla oppover mot Svartevassdammen om formiddagen, og vegen var brøyta dei ca 15 km opp til Duge så greie sykleforhold. Det er T-sti langs nordsida av Grauthellervatnet til Grautheller turisthytte, men eg gjekk snarvegen over isen til hytta. Hadde med truger så eg brukte i terrenget med 15-30 cm snø. Gjekk den relativt slake ryggen sørvestover drøyt 2 km til den namnlause toppen som på gamle kart har høyde 991 m. Fortsatte eit stykke til og måtte bratt ned, og så bratt opp til Indra Raudberg. La returen i ein bue nord for 991-toppen, og kom inn på spora mine igjen som eg fulgte tilbake ned til Grauthellervatnet. Skyfri himmel første del av dagen, men tilskyande frå nordvest utpå dagen.
User comments