Toppraid i nordre Strand #2 (17.11.2019)

Written by Kaare_70

Map

Ascents	Døvikhammaren (134m)	17.11.2019
	Knuten (382m)	17.11.2019
	Krossnesheia (451m)	17.11.2019

Fin rundtur i nytt terreng, bratt opp traktorvegen frå Døvik, så over den tørrlagde bekken og på grei sti først mot Paddevatnet og så til topps på Knuten. Hadde ikkje planar om dette, men tenkte at det var fin utsikt derifrå. Så stilaust, kupert og tungt med minst mulig tap av høgde til topps på Krossnesheia, med praktfull utsikt over fjorden med Årdal og Nessa.

Frå Knuten mot Årdalsfjorden og Nessa. Lauvåsen med "Fistersendaren" dominerer i bakgrunnen

Frå Knuten mot Årdalsfjorden med bl.a. Døvikhammaren nærast og Helgøy lenger ute

Fin og inngrepsfri "villmark" under Krosshesheia

Frå Krossnesheia med tilbakeblikk mot Knuten. Bakerst dominerer Grimsåsen i Holtaheia

På toppen av Krossnesheia med utsikt til Steinsvikfjellet på andre sida av Årdalsfjorden

Frå Krossnesheia mot Årdal med Riskedalsvatnet

Frå Krossnesheia mot Årdalsfjorden og Ryfylkeøyane

Retur direkte mot Paddevatnet og ned traktorvegen, før turen gjekk vidare til fots mot Døvikhammaren. Dette vart som venta ei lita nøtt. Nokre smågutar eg traff, sa at det var merka løype opp bratta, men den fann eg aldri. Det vart derfor rein bushing til topps frå søraust, bratt men kontrollert. Flott utsikt over fjorden med Nessa før retur same veg. Til saman drøye 3 timar på tur.

Frå Døvikhammaren mot Årdalsfjorden med Nessa til venstre, Årdal til høgre og Steinsvikfjellet dominerande

User comments

Comment title:

Characters left: 1000

Comment text:

You need to be logged in to write comments.