Sogndal: Jordalsnipa, Heimstagretta og Fremstagretta (09.08.2019)

Written by boven (Ove Lotsberg) GSM

Start point Heimastølen (100m)
Endpoint Heimastølen (100m)
Characteristic Hillwalk
Duration 8h 39min
Distance 18.1km
Vertical meters 2,048m
GPS
Ascents Fremstagretta (1,315m) 09.08.2019
Heimstagretta (1,494m) 09.08.2019
Jordalsnipa (1,453m) 09.08.2019
Visits of other PBEs Fribakkholten (565m) 09.08.2019

Sogn og Fjordane pf 100 610/1169
Ennå er det muleg å finne dagsturer sørover, Fjærland er innan rekkevidde. Denne har venta lenge, no var det på tide med Heimstagretta pluss eit par toppar til. Bjørn Bastolen (Bjørn André Stølen) og Torleiv kroksleiven (Torleiv Orheim) var som vanleg glimrande turfølge. Vi valgte å bruke Hiacen til Kroksleiven denne gongen sidan vi skulle kjøyre oppover mot Heimastølen. Dette viste seg å være lurt. Eit parti på veien er svært dårleg, steinete og humpete. Parkerte ved Heimastølen der det er ein liten parkeringsplass ved sidan av infotavler om blant anna Holten. Gjekk veien framover til skilting Holten og bru over elva. Så inn på merka rute bratt opp lia til Holten eller Fribakkholten. Stien er bra og lett å følgje, men svært bratt. På Holten er det kasse med bok. Vidare er det svak sti som delvis er grei å følgje opp til Holtafossen. Herifrå forsvinn den. Frå Holten til Heimstagretta er det ei svært markert hylle som det er umulig å kome opp, med unntak av ein plass. Vi gjekk først mot Jordalsnipa, fulgte ryggen opp mot den nordaustlege toppen. Det er 3 aktuelle toppunkt. NØ og SV viste begge 1454-1455 på GPS. Umulig å seie kva som er høgaste. Den mitre toppen med varde er 1-2 meter lavere. SV-toppen som er markert på kartet med 1453 og trigpkt hadde ingen varde. Skal du hit bør då gå over alle 3 toppane! Returnerte ned ryggen og så enkelt opp til Heimstagretta. Det er muleg ein kan gå nordryggen til Midtgretta! Men for ikkje å kødde det til og kaste vekk tid valgte vi å gå ned austryggen til punktet der vi kom opp på hylla. Her ligg det ein bre som ikkje viser på kartet. Gjekk først veldig bratt ned nokre sva og så langs breen heilt i kanten mot steinura. Vel nede forbi hylla igjen hadde vi ca 2 km i luftlinje til Fremstagretta. La igjen sekkene ved 1140-vatnet og rusla til topps. Fantastisk flott område, heilt utan folk. Så var det å kome seg tilbake til Holtafossen og ned den bratte lia igjen. Glimrande tur.

Holtafossen. Sikkert muleg å krype seg inn i hylla til venstre der.
Holtafossen. Sikkert muleg å krype seg inn i hylla til venstre der.
Holtafossen
Holtafossen
Jordalsnipa
Jordalsnipa
Heimstagretta til venstre, den lavere Fremstagretta til høgre.
Heimstagretta til venstre, den lavere Fremstagretta til høgre.
Jordalsnipa frå NØ-toppen mot SV-toppen.
Jordalsnipa frå NØ-toppen mot SV-toppen.
Jordalsnipa sett frå Heimstagretta.
Jordalsnipa sett frå Heimstagretta.
Torleiv og Bjørn på Heimstagretta.
Torleiv og Bjørn på Heimstagretta.
Stor varde på Heimstagretta, ikkje høgste punkt! Men det ligg veldig nære og er tydeleg høgst. Her mot Mundal og Fjærlandsfjorden.
Stor varde på Heimstagretta, ikkje høgste punkt! Men det ligg veldig nære og er tydeleg høgst. Her mot Mundal og Fjærlandsfjorden.
Ned den markerte austryggen. Først ned sva til venstre for det lille snøfeltet lengst oppe, så langs breen og nedover ryggen.
Ned den markerte austryggen. Først ned sva til venstre for det lille snøfeltet lengst oppe, så langs breen og nedover ryggen.
Jordalsnipa
Jordalsnipa
Ruta mot Fremstagretta. Har ikkje bilder vidare, men sjekk Bjørn sin rapport.
Ruta mot Fremstagretta. Har ikkje bilder vidare, men sjekk Bjørn sin rapport.

https://peakbook.org/tour/322711/Sogndal:+Jordalsnipa%2C+Heimsta-+og+Fremstagretta.html

User comments

Comment title:
Characters left: 1000
Comment text:
You need to be logged in to write comments.