Rolla på Rolløya (14.06.2019)
Written by Hansi (Hans Thorvald Nygaard)
Ascents | Rolla (926m) | 14.06.2019 17:06 |
---|---|---|
Rollvasshøgda (862m) | 14.06.2019 17:43 | |
Visits of other PBEs | Ramnfløya gapahuk (300m) | 14.06.2019 19:00 |
I løpet av turen på Kongsviktinden den 11.6 fekk Kristine veldig vondt i magen, og da dette var like ille dagen etterpå, vart det tur til legen. Det førte til at ho vart sendt til sjukehuset i Harstad, og der vart ho over natta. Etter undersøkelsar den 13.6 fekk ho komme heim. Da vart det ein liten tur i skogen i Evenskjer, og ho kjende seg heldigvis i betre form. Da planla vi tur.
Målet for denne turen var øyane Rolla og Andørja. Vi skulle byrje med toppen Rolla, og om helsa til Kristine ikkje var god, skulle vi dra heim.
Vi tok ferga frå Harstad til Sørrollnes klokka 13.00. Frå fergekaia køyrde vi opp til parkeringa ved leikeplassen, og gjekk i vegen mot Rolla. Sola strålte og varma godt, men det var ein sur trekk tidleg på turen. Vi følgde vegen og råket opp til Brustindvatnet. Der varma sola godt, og vi tok ein lang pause, og eg tok eit raskt og forfriskande isbad.
Vidare følgde vi råket opp til Rolla. Storslått utsikt på toppen. Ned at gjekk vi oppom Rollvasshøgda, men vi droppa Lasselitinden.
Ein flott tur, og heldigvis merka ikkje Kristine noko meir til magesmertane, og forma hennar var mykje betre enn den hadde vore på Kongsviktinden. Da vart vi einige om å fortsette turen på øyane. Vi køyrde inn til Foldneset, der vi parkerte og å middag i gapahuken der, før vi overnatta i bilen.
User comments