Fugletinden og to småtoppar (06.05.2019)
Written by Hansi (Hans Thorvald Nygaard)
Ascents | Fugltinden (1,033m) | 06.05.2019 14:22 |
---|---|---|
Nordkollen (214m) | 06.05.2019 20:34 | |
Ørnfløya (153m) | 06.05.2019 21:26 | |
Ørnflygnakken (154m) | 06.05.2019 21:28 | |
Visits of other PBEs | Luneng parkering (150m) | 06.05.2019 11:12 |
Hillesøya p-plass (7m) | 06.05.2019 20:17 | |
Ørnfløya parkeringslomme (20m) | 06.05.2019 21:12 |
Fugltinden og to småtoppar
Vi byrja dagen med ein god frukost og utpakking frå Malangen Apartment, før vi drog til Luneng og gjekk ein flott skitur på Fugltinden. Etter den turen drog vi på sightseeing til Middagsbukta i Balsfjorden, kor bestemora til Kristine er i frå. Vidare drog vi på besøk til grandtanta til Kristine i Soleng vest for Bentsjorda. Etter å ha vore på besøk der drog vi ut til Sommarøy utanfor Kvaløya. Der gjekk vi to små turar, fyst på Nordkollen på Hillesøy, så på Ørnflygnakken på Kvaløya. Til slutt drog vi til overnattingsstaden vår i Tromsdalen. Vi kom fram ganske seint og det vart sein middag.
Fugltinden
Vi parkerte på ein liten parkeringsplass ved hovudvegen like ved Luneng. Vi hadde håpa at vi kunne køyre inn vegen som er teikna inn på kartet, men han var ikkje brøytt. Oppover var det fint å gå, og vi kunne følgje gamle spor. Etter at vi hadde passert Langvatnet sleit vi tidvis mykje med at det klabba under fellane. Vi tok ein matpause på om lag 620moh, der stoppa spora vi hadde følgd, men det kom nye spor opp mot toppen, truleg frå austsida der det også går eit råk. Vidare var det tungt dei siste 400 høgdemetrane, men ein heilt fantastisk utsikt frå toppen. Nedkøyringa var stort sett veldig bra. Ein flott tur.
Nordkollen og Ørnflygnakken
På Nordkollen parkerte vi på ein parkeringsplass i byrjinga av Nordvegen, og følgde litt vegen som går inn i fjellet og ut på toppen. Ikkje lenge vi følgde den vegen før eit råk tok av og gjekk opp til toppen. Fint råk heile vegen opp. Fantastisk flott utsikt og sol på toppen.
På Ørnflygnakken parkerte vi på ein liten parkeringslomme på austsida av vegen 100 meter sør for krysset. Der tok det av eit godt råk oppover. Flott sol og utsikt her og.
User comments