Løpstur over Reksta (28.03.2019)

Det vart ein fantastisk fin løpstur over Reksta. Snakke meg om å føle seg som den friaste fuglen lengst vest der ute i havgapet.

Etter å ha studert meldingane som såg fine ut også inkludert vindstyrke! Var planen min å padle ifrå Florø utover til Reksta og overnatte på ei av dei ubudde øyane. Nyte solnedgangen, stilla, ei vid og nydelig havrand. Kajakken var godt lasta med telt, varme kle og mat til sikkert ein heil generasjon. Nydelige dager så seint på året i slutten av oktober 18 var det. Tørrdrakt hadde eg ikkje, kun ullkle og det låg i tankane. Meldingane var fine og eg har padla åleine før i frisk vind...Men denne gangen valgte eg å snu! Vinden var ikkje oppi mot samme styrke som eg har padla i før. Men den kom ifrå alle kantar og sjøen i området føltes krapp og skavlete. Så seint på året i sjøen og åleine, såg eg det som fornuftig å snu tilbake. Sjølv om det var litt irriterande å ikkje kunne krysse siste stykket over fjorden i havgapet. Meldingane for neste dag var temmelig stille...