Ikkje så pent turvêr denne helga, grått og litt nedbør, både regn og snø. Det og stor rasfare førte til at det ikkje vart ein skikkeleg fjelltur. Vi fekk likevel ein lang og fin skitur på sundag. Vi køyrde til skulen i Sørvika, der dei arrangerte skirennet Hinnøyløpet. Vi gjekk i vegen like etter rennstart, men ein snøscooter hadde allereie klart å øydelegge det eine sporet. Etter kvart vart også det andre sporet øydelagt av scooterkøyring. Klisteret frå dagen før fungerte godt i starten av turen då, men etter kvart byrja det å snø, så vi sleit med klabbing i dei bratte motbakkane som var tidleg på turen. Vi la inn ein liten avstikkar frå skiløypa og gjekk oppom den vesle toppen ved Storbakkan, i fint vêr er det nok eit riktig flott utsiktspunkt. Klabbinga ga seg etterkvart, men feste vart slite bort, så det vart ein tung runde.
User comments
Lang tur?
Written by repelo 25.03.2019 10:25100 meter og 4 minutter, høres ikke ut som noen veldig lang skitur!
Sv: Lang tur?
Written by Hansi 25.03.2019 14:28Ikke alle som er så godt trent som deg!