Maridalshøgda (03.03.2019)
Written by Hansi (Hans Thorvald Nygaard)
| Duration | 4h 07min |
|---|---|
| Distance | 21.5km |
| Vertical meters | 793m |
| GPS |
|
| Ascents | Maridalshøgda (790m) | 03.03.2019 15:19 |
|---|
Andre dag i vinterferien og flott vêr. Det var lengje sia vi hadde fått ein ny raud topp, så nå var det på tide. Kristine hadde sett seg ut ein tur ho ville gå, etter at ho hadde studert kartet på både skisporet, peakbook og bratt-appen. Maridalshøgda i Grovfjord/Bjerkvik vart målet, så på formiddagen drog vi til Grovfjord. Det skulle være scooterspor ein del av turen, og vi var spente på korleis det var å gå utanom løypane.
Vi parkerte ved ein stor parkeringsplass ved Krokelvhøgda ved Skoddebergvatnet. Derifrå gjekk vi i godt scooterspor til litt forbi det flotte Revvatnet. Vi hadde scootersporet i om lag seks kilometer før vi måtte brøyte sjølve. Frå Revvatnet gjekk vi i fin bjørkeskog oppover Revdalen til salen mellom Maridalshøgda og Nonstinden (punkt 506). Det var omkring 20 centimeter med nysnø, så det var tungt å gå utenom sporet.
Opp i frå salen vart det litt brattare, men Kristine hadde gjort godt forarbeid, så vi unngjekk skredterreng. Men tungt var det. Oppe på toppen kom vi tilbake i sola, og utsikta var fenomenal, og bollane smakte fantastisk godt.
Ned at til salen var skikøyringa fantastisk morosam, sjølv på langrennsski. Frå salen og til Revvatnet fekk vi god fart i spora våre, så returen gjekk mykje raskare enn oppturen.
User comments