Lofttinden (04.10.2018)
Written by Hansi (Hans Thorvald Nygaard)
Ascents | Nattmålstuva (867m) | 04.10.2018 14:23 |
---|---|---|
Storfjellet Sørvest (929m) | 04.10.2018 14:57 | |
Storfjellet Nordøst (895m) | 04.10.2018 15:22 | |
Lofttinden (1,037m) | 04.10.2018 16:06 |
Vi har haustferie i eit par dagar, og planar om nokre turar. I dag hadde vi eigentleg tenkt til å gå på Leigastinden, men på bilturen fann vi ut at Lofttinden var eit betre alternativ. Det er vorte ein del snø i høgda. Vi drog heime frå ganske seint, og parkerte ved E10 eit par kilometer før Bjerkvik. Vi gjekk fyst oppover på bilveg før det vart råk. På om lag 300moh var det teikna inn eit råk, men det fann vi ikkje. I mellom 400moh og 500moh vart det snø, og i høgda var det mykje snø. Like før 600moh delte råket seg i eit gult alternativ (teikna inn på kartet) og eit raudt alternativ. Vi valde det raude alternativet fordi vi trudde det var kortast. Etter ei stund vart det så mykje snø at vi mista råket. Etter at vi hadde vore på Nattmålstuva var det litt dårlegare vêr, og det var vanskeleg å sjå konturane i landskapet. Etter Storfjellet Sørvest betra vêret seg og det vart flott å gå, sjølv om det var tungt i snøen. Attende valde vi å ikkje gå oppom toppane at, men å gå i sida. Ein riktig flott tur.
User comments