Ein tur eg hadde hatt i tankane lenge. Inn til Innerdalshytta og normalruta opp til Innerdalstårnet. Ned att til skaret og opp på Tårnfjellet. Vidare opp heile ryggen til Tåga, der den største hammaren blei spennande nok. Burde kanskje verte omgått om vestsida, men når enden er god er allting godt. Vidare ned ryggen til skaret mellom Tåga og Såtbakkollen, og ned derifrå til foten av Navardalsnebba. Opp på det høgste punktet, for så å følgje ryggen mot nordtoppen. Ned ei renne til Tverrådalen, for så å finne T-merket sti tilbake til Innerdalshytta og bil på Dalen parkering. Ein magisk rundtur!
User comments