På Storkvelvbua vakna vi opp av snikkararbeid mellom åtte og ni om morgonen, dei dreiv og reparerte taket. Vi åt frukost ute i sola før vi gjekk i veg på tur. Vi hadde berre planlagt ei overnatting denne gongen, og Stylskampane var målet for dagen. Vi følgde det gode råket til Nordbua, med ein liten tur oppom ein topp eg valde å kalle for Forundringstjønnkampen. Frå Nordbua hadde vi sett på kartet at det gjekk råk rett nordover til Øvre Megrundstjønnet. Dette råket var betre på kartet enn i terrenget. Det var attgrodd av mykje kratt og var vanskeleg å følgje. Frå Øvre Megrundstjønnet gjekk vi over Vestre Stylskampen, før vi satt frå oss sekkane nedunder Ullsteinbu, og gjekk opp på Stylskampen. Liten rast på Ullsteinbu før vi gjekk til Nedre Megrundstjønnet. Derifrå var det godt råk attende til Venliseter, og også opp på Venhøa, som var ein flott topp.
User comments