Nagatjødnane og Revafjellet frå Liarvatnet (13.07.2018)
Written by Kaare_70
Ascents | Revafjellet (728m) | 13.07.2018 |
---|
Dette skulle eigentleg vera ein liten ekspedisjon til Svartavassknuten om Nagatjødnane og Øyavatnet, men lågt skydekke gjorde at planane ikkje let seg gjennomføra. Det blei likevel ein fin rekognoseringstur til innanfor Store Nagatjødna der eg aldri hadde vore før. Gjekk inn Småsildalen og opp til Nagaheia på sørsida, så ned til Nagahytta og på kupert sti langs tjødna. Tok ein god pause her inne, og såg tidvis toppen av Svartavassknuten, men krevande terreng og ingen GPS gjorde at eg valde å snu. Men frå det eg kunne sjå, må ei bestigning frå denne sida takast nedanfrå dalen mot Øyavatnet. Eit alternativ er å gå ned frå høgda ved Naganibba og Krokavatnet.
Returen gjekk heim over Revafjellet og ned Lågalia. Såg eit lomapar, truleg smålom, i Holtjødna og skremde opp ein orrhane like nedanfor. Var heldig med sikten over Revafjellet, der det var klart og fint, for skydekket ellers vart liggande oppunder 700moh det meste av dagen.
User comments