Sunndal: Hovsnebba (20.05.2018)

Møre og Romsdal pf 100 1090/1160
Siste turdag i denne runda gjekk til Hovsnebba. Passeleg å avslutte med før 5 timar heimreise. Utruleg rås oppover fjellsida. Eit stidele med tydeleg merking til høgre forvirra oss litt, så vi enda på Flaggnuten. Gjekk tilbake og tok av bratt oppover igjen. Ved det såkalla Galleriet var det eit tau med knutar lagt ut. Så var det forbi trimkassa ved Bjønnalauvet 765 moh i skoggrensa og kryssa Kilurdbekken på 1000 meter. Ikkje snø her lenger etter enorme temperaturar siste vekene. Frå første varden er det eit lite stykke til høgste punkt. Her må ein ned frå ryggen på sørsida eit par plassar. Men ikkje vanskar av noko slag. Fantastisk utsikt til Sunndalsøra 1550 meter lenger nede. Litt overskya og vind i dag, men flott temperatur og turver likavel. Etter boka i kassa 50-60 besøk i året til denne toppen. Ca 10 stk alt i 2018.