Møre og Romsdal pf 100 1083/1160
Vi kom til Eresfjord, bygda med sykkelkunsten. Kjøyrde mot Kanndalen og parkerte der veien til Kvidalen startar. Skodda hang ned på Skjorta og lett duskregn på ruta. Etter litt somling kom vi oss avgarde. Dette er sjølvsagt ein fin skitur, men etter å ha sett bilder på Toppturer i Nordvest var det klart at toppen var klar for bestigning til fots. Fulgte skogsveien og tok av til høgre på ennå dårlegare "vei" slik at vi kom opp til dei to bygningane på ca 380 moh. Herifrå vart det påmåfågåing oppover forbi skoggrensa til vi møtte stien langs ryggen til topps. Nokre snøfelt måtte kryssast men ikkje allverden. Skodde på toppen dessverre, denne letta sjølvsagt når vi var komne til bilen. Skreiv oss i boka. OBS! Høgste punkt er ikkje ved varden, men ca 50 meter austover! Returnerte samme veien. Såg over mot Goksøyra og vurderte denne frå nordsida neste dag. Heldigvis la vi vekk den tanken og kjøyrde forbi Øverås. Her fann vi stien mot Brandstadbu, som vi skulle teste ut neste dag.
User comments