På Grønnbue, i retning Formokampen og Søre Skorutberget
Laurdagens tur gjekk til Illmannhøar, Simlepiggen og Ranglarhøe. Skiløypa inn til Spranget flott, og utsikta fantastisk. I frå Spranget følgde vi kvistaløypa inn mot Rondvassbu. Vi tok av frå den, og gjekk om Grønnbue til Fremre Illmannhøe. Derifrå gjekk vi over Illmannhøe til Simlepiggen. Der tok vi ein rast i sia før vi gjekk mot Indre Illmannhøe. Sia ned mot Indre Illmannhøe var ganske bratt, og det hadde gått eit ras der før i vinter. Stigninga opp mot Indre derimot, var lettgått og fin. Returen gjekk i fint, lettgått terreng fram til Flatfjellet, der eg byrja og bryte ein del igjennom den våte snøen. Nesten nede at på Mysuseter fann vi ut at vi ville oppom Ranglarhøe, det vart ein fin avstikkar. Ein ny flott tur i eit strålande vêr.
User comments