Tur i lag med Kristine og pappa. Etter mange dagar i område rundt Værskei hadde vi lyst til å gå ein tur ein annan plass. Vi drog til derfor til Synstgardssetra. Nordbukampen vart målet for turen. Vi følgde den gode skiløypa opp Ongsjølia til Leppe, derifrå vart det scooterspor til Nordbua. Der hadde vi ein lang rast i solveggen. Det var greitt å gå opp til Norbukampen, men tungt. Ned att var det like tungt, ikkje spesielt god snø for nedoverkøyring på langrennsski. Vidare gjekk turen til Leppfjellet, og ned til Leppbua. Attende frå Leppbua til Synstgardssetra gjekk det fort og lett. Ein flott tur i fantastisk påskevêr.
Kommentarer