Parkerte bilen ved ferjeleiet på Brattvåg. Hadde med sykkel og tok 12.20-ferja over til Fjørtofta. Det regna godt så eg hadde kledd meg med full oljehyre, men då eg kom ut til Fjørtofta var det opphald og glimt av sol. Gjekk ein rundtur mot klokka på merka sti over Æafjellet og Ramsberget. Trimbok på begge toppane. Tok så 16.50-ferja frå Fjørtofta til Harøya og gjekk rundtur med klokka på merka sti til Harøyburet og Blåhammaren. Flott utsikt mot fjellområda med kvite topper på fastlandet. Tok 19.35-ferja frå Harøya tilbake til Brattvåg.
User comments