Tur i lag med mortenh (Morten Helgesen), Þróndeimr (Christian Nesset) og Astri på siste dag av PB-treffet. Tok ferja frå Sæbø til Lekneset, og eg sat på med Morten opp til Myrsætra. Bompengefri veg her nå, og me parkerte på sørsida av elva. Fulgte T-stien mot Patchellhytta til Steinreset der me tok av stien og gjekk opp til Brekketindbreen.
Så tok me på sele og tau for å krysse breen opp til skaret sørvest for Store Brekketinden. Fleire klyvepartier frå breen til toppen. Det var frivillig om me ville la oss sikre eller ikkje, men eg var komfortabel me å gå uten sikring. Hadde ein god pause på toppen i det flotte varme seinsommarveret og skreiv oss inn i vardeboka.
På veg ned var Christian oppom S1-toppen som er avansert klatring grad 5-6 eller noko i den dur. Litt for teknisk til at det var noko å prøve for min del, men spennande å følge med på Christian's klatreferdigheter.
Etter å ha kryssa Brekketindbreen på veg ned delte med oss i to. Eg og Morten skulle oppom Søre Brekketinden, mens dei to andre gjekk rett ned igjen til Myrsætra. Dette blei årets høgaste bestigning og finaste tur for min del og innehaldt det som skal til for ein perfekt fjelltur; nemlig alpin topp, klyving, brevandring, øyvindvær og hyggelig turfølge.
Etter turen tok eg ferja tilbake til Sæbø for å fortsette med turer på vestsida av Hjørundfjorden dei neste dagane, mens Morten skulle til Hornindalsrokken dagen etter. Takk for turen!
User comments