Kom køyrande langs Osensjøen, og fann greitt avkjørsel innover skogbilvegane til der Finnskogleden kryssar vegen nedafor Kjølberget.Blåmerkt stig heilt til topps, for ein del i våt myr. Grått, og eg var våt på beina, og dessutan var det rett før innspurten på fellesstarten på sykkel i Bergen, så eg brukte telefonen som radio og strena av garde. Kom greitt opp til toppen og fekk tatt eit bilete, og så gjekk radioen, pb-appen og kameraet i svart. Ikkje meir batteri sjølvsagt. For å rekkje innspurten småsprang eg nedatt til bilen så søla skvatt, og var vel våt til knærne omtrent. Rakk dei siste 5 minutta av sykkelrittet i Bergen, Kristoff nr 2 slått med 20 cm av Peter Sagan. Skifta på meg tørt, og starta heimturen til Oslo. 2,5 km, 30 minutt og 100 hm stigning. Eg gjekk aleine. Må vel rett og slett konkludere med at det var ein av dei dårlegare kommunetoppturane eg har vore på, og så skulle den bli nr 200. Ser av kommentaren til Knut Sverre at han nok er samd med meg i det, men eg kunne jo ikkje setje nr 200 på vent til våren! Spent på om eg greier å få rom til noko meir enn Herkelås på Tjøme resten av hausten. Det er så langt å reise no!
User comments
Gratulerer med viktig milepæl
Written by morsor 24.09.2017 22:49Skal hilse fra et par jeg traff på 1100 moh i stigningene mot Forollhogna. De var fra Stathelle og visste hvem du var da vi kom i snakk om kommunetopper.
Takk Morten!
Written by bakken59 24.09.2017 22:57Flotte bilete frå Nord-Vestlandet - misunn! Lurar på kven desse frå Stathelle var. Har ikkje budd der på 37 år, men ikkje så store forhold da.
Gratulerer
Written by Sola19 24.09.2017 20:15med kommunetopp nr 200 fra meg også:)
Sv: Gratulerer
Written by bakken59 24.09.2017 22:10Takk! Set veldig pris på turrapportane dine, ikkje minst med rettleiing om køyring! Men i dag tulle eg fælt likevel.
Grattis med k-topp nr 200 ....
Written by knutsverre 24.09.2017 17:52Kristin! Ble vel ikke kremtoppen du hadde drømt om, men godt jobbet uansett!
Sv: Grattis med k-topp nr 200
Written by bakken59 24.09.2017 22:09Nei, faktisk det motsatte av kremtopp dette, men det var desse eller ingenting på denne sida av jul, så då var jo valet enkelt!