Lemenjakt i Mefjellet (17.09.2017)  

Etter gårsdagens fiasko var planane for sundagsturen jekka 3 hakk ned. Maks ei halv mil, og med ein estimert tidsbruk på 2-3 timar. Og denne gongen klarte vi målet! Da er det på sin plass å forfatte ein liten turrapport:

Starten gjekk frå campingplassen ved Bygdin fjellhotell. For å parkere her må du betale 50 kroner til han Ole Thomas Grythe Nygard. Og etter biloppstillinga denne dagen å rekne, skal eg tru han godaste Gniar Nygard har til salt i maten.

Frå parkeringa gjekk vi over grusvegen og inn på stien oppover i retning Heimre Fagerdalstjernet. Da vi var komne opp på det første platået, låg Synshorn aust for oss. Herfra gjekk vi mot venstre (det vert vest ja) og fortsette oppover ryggen mot Mefjellet. Da hadde vi gått i 1/2 time. Med skråsikker mine meinte likevel Arnold at vi no hadde vore på tur i ein time, og at det var enda ein time igjen til toppen. Men i dette var altså medrekna bilturen frå hytta, fortalde han etterpå. Det skulle vel vore lagt til litt for roing og..

© Tor K. G.

Vi kom opp i ein liten dal og følgde fjellryggen eit stykke innover fram til vi traverserte siste stykket opp til toppen. Det tok oss ein halv time til. Ein halvtime ja. Vi fekk ei glimrande panoramautsikt på toppen, blant anna innover Bygdin.

© Tor K. G.

Oraklet

© Tor K. G.

For å spare hofter og bein gjekk vi i slakare terreng ned mot Bygdisheim og vidare tilbake på grusvegen. Med 15 kg stæsj og unge på ryggen føltes det som å vere tilbake i militæret. Men det var betre å gå her, enn å marsjere i 30 grader på endelause grusvegar langt inne i bushen på Heistadmoen. Snusen var derimot glad for vegvalet, for her var det lemen bak kvar ein sving. Heile familien stod og lo og hoia når han med tenner og klør kvesta og åt eitt av desse stakkars dyra. God underhaldning kallar vi det.