Kristine og eg kjøpte campingvogn på fredag, og laurdag drog vi på tur. Vi køyrde til Valtjønna langs Jotunheimvegen. Der satt vi att vogna og køyrde vidare til Austhøflågån. Derifrå gjekk vi opp på Austhøi. Den første flata over Austhøflågån var litt blaut og det var ein del kratt. Bratta opp til Austhøi var tung, men fin og gå. Flott vêr på turen. Attende ved Valtjønna gjekk vi ein liten runde ved vatnet, før vi åt middag i vogna.
Omtrentleg turen over Gråhøe - 5t 40 min - omlag 20 km
Etter ei natt i campingvogna, gjekk turen på sundag til Gråhøe i Øystre Slidre. Vi køyrde vidare innover Jotunheimvegen, til Liastølen. Derifrå følgde vi råket opp langs Fossåne mot Gråhøe. Godt å ha råk til å byrje med, da det er mykje kratt nede i lia. Oppe på 1500 meters høgde var det like fint å gå utenom råket. Frå Gråhøe gjekk vi over Kvernhøe til Søre Gluptinden. Derifrå vidare til Nørdre Gluptinden og om Vesttoppen og Vesle Nuten til Store Nuten. Det var godt terreng å gå i, så det gjør ikkje noko at det ikkje er råk. Frå Store Nuten gjekk vi til T-råket mellom Haugseter og Gjendesheim, litt kratt og ein del myr på denne strekka, så det var kjekt å komme inn på råket. Litt kjedeleg avslutning på turen, langs Jotunheimvegen frå Haugseter til Liastølen. Det vart ein flott tur i litt varierande vêr, alt frå strålande sol til lett regn.
User comments